ချင်းမိုင်ကနေ လမ်ဖွန်းကို ကောက်ရိတ်အလုပ် လုပ်ဖို့ ကားနဲ့ သွားတဲ့ မြန်မာအလုပ်သမားနဲ့ မြန်မာယာဉ်မောင်းတစ်ဦးကို လမ်းခရီးမှာ အဝေးပြေးရဲတပ်ဖွဲ့က ဖမ်းဆီးလိုက်တယ် သိရပါတယ်။လမ်ဖွန်းခရိုင်၊ အဝေးပြေးလမ်းမကြီးပေါ်မှာ အဝေးပြေးရဲတပ်ဖွဲ့က ပုံမှန်စစ်ဆေးနေတုန်း အလုပ်သမားတွေ အပြည့်ပါတဲ့ ပစ်ကပ်ကားတစ်စီးကို မသင်္ကာလို့ ရပ်တန့်စစ်ဆေး ခဲ့တာပါ။
ကားမောင်းသူဟာ အသက် ၄၅ နှစ်အရွယ် မြန်မာအမျိုးသား တစ်ဦးဖြစ်ပြီး ချင်းမိုင်ကနေ လမ်ဖွန်းမှာ ကောက်ရိတ်အလုပ်ဖို့အတွက် ခေါ်လာတာလို့ ထွက်ဆိုခဲ့ပါတယ်။ကားနောက်ခန်းမှာ ပါလာတဲ့ အလုပ်သမားတွေကို စစ်ဆေးကြည့်တဲ့အခါမှာတော့ တရားဝင် အထောက်အထား စာရွက်စာတမ်း တစ်ခုမှ မရှိတဲ့ မြန်မာနိုင်ငံသား ၃ ဦး ကို တွေ့ရှိခဲ့ပါတယ်။
ဖမ်းမိတဲ့ ၃ ဦးစလုံးက ချင်းရိုင်၊ မယ်ဆိုင်နယ်စပ်ကနေ သဘာဝ လမ်းကြောင်းအတိုင်း ဝင်လာခဲ့ကြတာဖြစ်တယ်လို့ ပြောပါတယ်။ စက်တင်ဘာလကတည်းက ဝင်လာပြီး ချင်းမိုင်မှာ အလုပ်လုပ်ကိုင်နေတာလို့ ဝန်ခံခဲ့ကြပြီး အခုမှ လမ်ဖွန်းကို ကောက်ရိတ်ဖို့ ဝင်လာတာ ဖြစ်တယ်လို့ ဆိုပါတယ်။ လက်ရှိမှာတော့ အာဏာပိုင်တွေက ဖမ်းမိသူအားလုံးကို ဥပဒေအရ အရေးယူ ဆောင်ရွက်သွားဖို့ ထိန်းသိမ်းထားပြီ ဖြစ်တယ်လို့ highway police ထုတ်ပြန်ချက်အရ သိရပါတယ်။
