ချွန်ဘူရီခရိုင်မှာရှိတဲ့ စက်ရုံကြီးတစ်ခုမှာ အသက် ၂၄ နှစ်အရွယ် မြန်မာအမျိုးသား အလုပ်သမားတစ်ဦးဟာ အလုပ်လုပ်နေရင်း ကြိတ်စက်ထဲ ပြုတ်ကျပြီး ထိတ်လန့်ဖွယ်ရာ သေဆုံးမှု ဖြစ်ပွါးခဲ့တယ်လို့ သိရပါတယ်။ နိုဝင်ဘာ ၂၀ ရက်နေ့မှာ ရဲတွေဆီ သတင်းရောက်ရှိလာတာ ဖြစ်လို့ သွားရောက်စစ်ဆေးခဲ့ကြတာ ဖြစ်ပါတယ်။
ဖြစ်စဉ်မှာ ကလောင်ကိဝ်မြို့နယ်ခွဲရှိ အလုပ်ရုံတစ်ခုမှာ ဖြစ်ပွါးခဲ့တာဖြစ်ပြီး ကယ်ဆယ်ရေးအဖွဲ့တွေ ရောက်ရှိစစ်ဆေးချိန်မှာ ကိုဇော်ကို အမည်ရှိ မြန်မာအမျိုးသားရဲ့ ခန္ဓာကိုယ်က စက်ထဲမှာ လုံးဝကြေမွနေတဲ့ အခြေအနေနဲ့ တွေ့ရှိခဲ့ရတယ်လို့ သိရပါတယ်။ ဒါကြောင့် ကယ်ဆယ်ရေးသမားတွေက ကြေမွနေတဲ့ အစိတ်အပိုင်းတွေကို စက်ထဲကနေ ဖယ်ထုတ်ဖို့ ကြိုးစားခဲ့ကြရတယ်လို့ ဆိုပါတယ်။
ကယ်ဆယ်ရေးအရာရှိတွေရဲ့အစောပိုင်းသုံးသပ်ချက်အရ သေဆုံးသူဟာ အလုပ်ချိန် နာရီပေါင်းများစွာ ကြာမြင့်တာကြောင့် အိပ်ငိုက်ကာ အမှတ်မထင် စက်ထဲသို့ ပြုတ်ကျ သွားတာဖြစ်နိုင်ကြောင်း ယူဆထားပါတယ်။ ရဲတပ်ဖွဲ့အနေနဲ့ အမှုကို အသေးစိတ်စုံစမ်းရန် ပြင်ဆင်နေပြီး ဖြစ်စဉ်ဖြစ်ပွားချိန်က CCTV မှတ်တမ်းတွေကို ကြည့်ရှုစစ်ဆေးခြင်းနဲ့ လုပ်ဖော်ကိုင်ဖက်တွေကို စစ်ဆေးမေးမြန်းခြင်းတွေ ပြုလုပ်ပြီးနောက် ဥပဒေအရ ဆက်လက်ဆောင်ရွက်သွားမယ်လို့ khaosod သတင်းမှာ ဖော်ပြထားပါတယ်။
